Ao longo do curso o alumnado do 3º ciclo realizou un fermoso traballo de investigación sobre xogos populares de distintos países. Reino Unido, Nicaragua, Venezuela, India, Rusia, Australia,... foron algúns dos lugares sobre os que investigaron ata atopar xogos nos que a puntería, estratexia, velocidade de reacción ou habilidades motrices foron fundamentais.
Pero dito traballo non tería sentido si non se levasen á practica os distintos xogos ou non se desen a coñecer aos demais. Así pois, ao longo de varias sesións de Educación Física, os nenos e nenas de 5º e 6º de Primaria fixeron de mestres e mestras para ensinar todos os xogos recompilados aos compañeiros e compañeiras do 1º Ciclo de Primaria. Resultou ser unha experiencia moi enriquecedora para todos!!
No seguinte vídeo podedes ver unha pequena mostra deste fermoso traballo. Agardamos que vos guste tanto como a nós.
Ningún comentario:
Publicar un comentario