CONSELLOS PARA O CONFINAMENTO
EDUCACIÓN FÍSICA:
Dende a área de Educación Física aportamos unhas suxerencias
que poidan servir para que, a pesar do confinamento nas nosas vivendas e da
conseguinte falta de espazo, teñamos un día a día o máis activo posible. A actividade física vai repercutir
positivamente no estado de ánimo dos
nenos e nenas ( e de toda a familia) e facer que soporten de mellor maneira
esta situación coa que estamos aprendendo a convivir. Non son deberes! ...só
uns consellos para manterse “ en forma” e divertirse en familia. Cada quen o
adaptará ao espazo do que dispoña na súa vivenda, os que teñan unha terraciña
ou un pedazo de campo...pois que sorte!
RUTINAS:
- Cada día podemos facer un pequeno circuíto de axilidade e
forza. Por exemplo: 30 segundos de actividade e 1 minuto de descanso. Podedes
variar os tempos en función do voso estado de forma. Poden ser abdominais,
flexións de brazos, saltos con xeonllos arriba, subir e baixar un escalón
alternando as pernas….podedes atopar moitos exemplos en internet.
- Ioga ou estiramentos en familia: atoparedes moitos
exemplos guiados en Youtube.
- Vídeos explicativos e guiados de Aerobic, Zumba, Bailes de
salón….
XOGOS:
- Enredos ou Twister: se non o temos podemos construílo con
papeis de cores e celo.
- Dar a volta á tortilla (os nenos/as xa saben)
- Palmadas (velocidade
de mans)
- Pelexa de galos (en cuclillas empurrando coas palmas das
mans)
- A comba
- Xadrez (Todos os nenos/as saben)
- Mariola, Rayuela (a chapa)
ALIMENTACIÓN:
Moito ánimo! e mantede o corpo e a mente sempre activa!
Como o gasto de calorías nestes días vai ser moito menor,
deberíamos inxerir alimentos baixos en carbohidratos e graxas, e ricos en
vitaminas, fibra, proteínas…
É dicir, outro problema máis cos nenos/as, porque o que máis
lles gusta (pasta, patacas, pizza, chuches, arroz…) é o que menos debemos comer
agora, porque todo o que non gastemos coa actividade diaria váisenos
transformar en graxas. De todas maneiras, estando como está o tema de ir á
compra, comeremos o que poidamos.
Moito ánimo! e mantede o corpo e a mente sempre activa!
Un saúdo.
Ningún comentario:
Publicar un comentario